Sa Mundo Ko

Sa mundo ko,

Natuto na 'kong tanggapin

Ang mga bagay na inisip kong

Wala na pwede pang ikaganda.

Pero nang nakilala kita

Biglang nag-iba ang lahat.

Sa mundo ko na 

Itim at puti lang ang lagi

Kong nasisilayan,

Biglang nagliwanag ang lahat.

Nakita ko ang bahag-hari.

Ang bahag-haring sumisimbolo 

Sa mga bagay na sinara na ng mga mata ko

Dahil sa pag-aakala na ang lahat ay sapat na.

Ang buong akala ko ay kaya ko lang magkasya

Sa kung ano ang nandito,

Pero ikaw ang nag-paramdam sa akin

Na pwede pa pala.

Salamat sayo,

Salamat sa pakiramdam na ito.